Şam – SANA
Parêzgarê Siwêdayê, Mistefa El-Bekûr, û yê Derayê, Enwer El-Zu’bî, tekez kirin ku hevdîtina wan ligel şanda nûnerên welatên endam di Encumena Ewlekarîyê de, bû derfeteke girîng ji bo şirovekirina rastîya li ser erdê, derbarê hewldanên xurtkirina aştî û hevgirtina civakî li hejmarek ji parêzgehan têne kirin.
El-Bekûr şiroveyeke berfireh li ser xebata Parêzgehê di warê komkirina pêkhateyên cuda de pêşkêş kir, û behsa êrîşên ku ji alîyê kesine dervayî qanûnê ve li ser welatîyan hatine kirin kir, her wiha binpêkirinên ku komîteyên lêpirsînê û yên ewlekarîyê şopandine anîn ziman, û tekezî li ser berdewamîya xebatê di çarçoveya yasayê de ji bo parastina aştî û hevgirtina civakî kir.
Ji hêla xwe ve, parêzgarê Derayê dîyar kir ku civînê behsa pêşketinên çêdibin, bi taybetî li başûr û bakurê Sûrîyê kir, û eşkere kir ku şanda Encumena Ewlekarîyê zanyarîyên hûrbîn li ser bûyerên çêdibin û rewşa welatîyan wergirtin. Û got ku hevdîtin erênî bû, bi hêvîya ku encamên serdanê bandorê bi başî li paşeroja Sûrîyan bikin.
