Şam – SANA
Serok Ehmed El-Şeri’ peywendîyeke telefonî ligel beşdarên kampanyaya “Biniş ji bo xatirê çavên te” encam da. Di peywendîyê de, Serok El-Şeri’ tekez kir ku dewlet dê her tim piştgira wan be di armancên wan de û dîyar kir ku wî dixwest îro di nav wan de be, lê ji ber zêdebûna kar û baran nikarîbû amade bibe.
Serok El-Şeri’ di peywendîya xwe de piştrast kir ku şênîyên Binişê, bi bazirgan, serkirde û kadroyên xwe ve, di şoreşê de sembol û pêşeng bûn û bajarê wan qet neket destê rejîma revîyayî.
Serok El-Şeri’ wiha got: “Biniş di şoreşê de pêşeng bû, bi anehîya Xwedê dê di avakirina Sûrîya nû de jî pêşeng be. Em dê her tim li kêleka we bin û gorî we bin. We gelek fedakarî kir û şehîd dan. Di nav we de serkirdeyên qehreman hene, mîna birayên hêja Ebû Cemîl Qutb û Ebû Yûsif. Qurbanîdanên we di şoreşê de mezin bûn û we qet kêmanî nekir. Em hêvî dikin ku rola we ya mezin di jinûveavakirin Sûrîyê de jî hebe.”
Serok El-Şeri’ gotina xwe wiha qedand: “Îdlibê di avakirina xwe de bi awayekî mezin pişta xwe bi daniştvanên Binişê girêdida xasma bi bazirgan û kadroyên wê. Inşela ev karê mezin li tevahîya Sûrîyê belav bibe. Ez lêborînê dixwazim ku nehatim nik we, Xwedê hêz ke, di carên bê de em dê li kêleka we bin. Hêvîya serkeftinê ji we re dixwazim û bila şahîyên we her berdewam bin bi îzna Xwedê!”
