Hema – SANA
Serokê Komara Erebî ya Sûrîyeyê Ehmed El-Şeri’ tekez kir ku deynek di stûyê Sûrîyan de ji bo Hemayê heye û erkê me ye ku em bi hezkirin û biratî bidin, û destnîşan kir ku birîna Hemayê ne tenê ya xelkê Hemayê bû, belkû ya hemû Sûrîyan bû, û vê birînê zêdetirî 40 salan dewam kir.
Serok El-Şeri’ di gotarekê de di dema beşdarîya xwe ya di çalakîyên kampanyaya “Fidayî Hemayê” de got ku rizgarkirina Hemayê di rêveçûna şer de cudahîyeke mezin çêkir, û Hema di qurbanîdan, sebir û rizgarkirinê de dibistanek e, her wiha dibistanek bû di bilindbûna di ser birînan re, nihêrîna li paşerojê û jibîrnekirina rabirdûyê de, û niha em paşeroja xwe li ser bingeha rabirdûya biêş ava dikin.
Serok El-Şeri’ gotina xwe wiha domand: Sira serkeftina şer ew hevgirtin bû ku di navbera çalakvanên Şoreşa Sûrîyeyê de çêbû, û îro zehmetîya avakirinê yekîtîya Sûrîyan û yekgirtina hemû hewldanan di şerê avakirin û pêşketinê de dixwaze.
Serok El-Şeri’ her wiha got: Hemayê di qurbanîdan û fidakarîyê de derseke mezin da tevahîya umetê, û îro em li ser Hemayê natirsin, lê em hêzê jê distînin.
Serok El-Şeri’ bi berdewamî got: Gundewarê Hemayê roleke mezin di Şoreşa Sûrîyeyê ya pîroz de lîst, û ji bo piştgirîya wê baceke giran da, û her kesê ku beşdarî û alîkarîya avakirina bajarokên hilweşiyayî bike û alîkarîya vegera xelkê li mal û zevîyên wan bike, xwedî rûmeteke mezin e.
Di dawîyê de Serok El-Şeri’ got: Deynek di stûyê Sûrîyan de ji bo Hemayê heye, û îro erkê me ye ku em vî deynî bi hezkirin û biratî bidin.
Tê nûkirin….
