Hims-SANA
Rêvebirirê Ewlehîya Navxweyî li Parêzgeha Himsê, ragir Murhef El-Neʼsan, tawana ku li gundê ʼEnaz li Wadî El-Nesara li Himsê pêk hatibû û di encama wê de sê xortan jîyana xwe ji dest da, şermezar kir.
Ragir, El-Neʼsan di daxuyanîyekê de ku kenala Telegramê ya Wezareta Navxweyî belav kiribû, got: Li gundê ʼEnaz li Wadî El-Nesara, îro êvarî di bûyera gulebaranê de ya ku ji alîyê kesekî nenas ve pêk hatibû, sê xortan jîyana xwe ji dest da.
Her weha Neʼsan got: Em vê tawanê şermezar dikin û tekez dikin ku em li dijî tundutûjîya ku gefê li ewlehî û aramîya civakê dixwe, û em destnîşan dikin ku armanca vî karê tawankarî têkbirina ewlehîya deverê û belavkirina tirsê ye, û hewildanek e ji bo bandorê li pêvajoya hilbijartinên Encumena Gel bike.
Neʼsan da xuyakirin ku ji bo dorpêçkirina deverê û şopandina bûyerê, alîyên berpirsyar yekser xebitîn da kesên sûcdar bigirin û wan radestî dadgehê bikin.
Neʼsan daxwaz ji hevwelatîyan kir ku aram bin û dûrî gotinên biguman bin. Wekîn din jî, Neʼsan got: Wê lêpirsîn berdewam bin da em bûyerê baş fêm bikin û kesên ku destên wan tê de hene bigirin û wan radestî dadgeha taybet bikin ji bo cezayê xwe bibînin.
