Idlib-SANA
Serok Ehmed El-Şara piştî vegera xwe ya ji New Yorkê û beşdarbûna di civîna 80emîn a Komeleya Giştî ya Neteweyên Yekbûyî de, ji bo beşdarbûna di Kampanyaya “Dilsozîya ji bo Îdlibê” de, gihîşt Îdlibê û gotarek pêşkêş kir.
Xalên sereke yên gotatê:
Gelê me yê gewre! Qehremanên çîroka Sûrîyeyê, erê, hûn qehremanên wê ne, hûn xelkê wê û hilgirên doza wê ne! Hûn in ên fedakar, we êş kişand, koçber bûn, hatin kuştin û îşkencekirin! Bi xwîna şehîdên xwe, bi qîrîna zarokên xwe, bi xemgînîya sêwîyên xwe û bi hêstirên şînîyên xwe, bi sebir, xweragirî û spasdarîya xwe ji Xwedê re, we bawerîya xwe bi Xwedê anî û Xwedê jî bawerîya xwe bi we anî!
Bi saya we hemûyan, Sûrîyeyê di nav miletên cîhanê de serê xwe bilind kir û rûmet û serbilindîya xwe vegerand! Bi kiryarên we, we cîhan matmayî û mendehoş hişt! Ez bi kesayetîyên mezin ên cîhanê û sîyasetmedarên navdar re civîyam, min rêz û teqdîra kiryarên we yên gewre dîtin!
Hûn ji dergehên wê yên herî berfireh re, ketin nav dîrokê, û we îro semboleke fedakarî û sebirê, û çirayeke serbilindî û rûmetê, ji bo nifşên pêşerojê ava kiriye! We bi kirinê, dastaneke herheyî ya ku heqî ji neheqîyê dide veqetandin, çespand! Piştî Xwedê, bi saya vî tevî, min karî ku ez deng û rengê we, êş û hêvîyên we -bi parastina rûmet û serbilindîya we- bigihînim cîhanî tevî.
