Laziqîyê-SANA
Îro, li bendera Laziqîyê, bi amadebûna Rêveberê Bazirganîya Navxweyî û Parastina Xerîdaran yê Laziqîyê û Tartûsê, Ebdulwehab Sefer, keştîya pêncemîn a ku 15,000 ton genim lê hatibû barkirin, hat daxistin. Rêveber bi hevkarîya rêveberîya benderê û rayedarên peywendîdar, çavek li pêvajoya daxistinê gerand û li ser sekinî.
Her weha Sefer di daxuyanîyekê de ji SANAyê re piştrast kir ku pêvajoya daxistina keştîyan ji ber girêdana wê ya bi bernameyên veguhastina bo parêzgehan, bernameyên hêrandinê û radestkirina arvan ji firneyan re, bi çavdêrîyeke tund li ser tê sekinandin. Wekî din jî, wî destnîşan kir ku armanca wan ji vê gerê şopandina rêveçûna kar, çareserkirina pirsgirêkên têkildarî veguhastinê û karûbarên îdarî û lojîstîkî, ev yek jî bi hevkarîya beşên peywendîdar e.
Wekî din jî, wî rave kir ku hindek komîteyên pispor hene, dema ku bar digihîje, hindek nimûneyan jê digirin û wan analîz dikin da ku piştrast bikin ka ew li gorî taybetmendîyên standard ên Sûrîyeyê ne yan na. Her weha tedbîrên qanûnî yên pêwîst jî têne girtin da ku ewlehîya kelûpelên hawirdekirî berî belavkirinê were misogerkirin.
Li alîyên din jî, Rêveberê bendera Laziqîyê, Ebdulhemîd El-Wehab, ki alîyê xwe ve destnîşan kir ku piştî çareserkirina pirsgirêkên teknîkî yên têkildarî kran û barhilgiran, pêvajoya daxistinê gelekî pêş keitye. Her weha wî rave kir ku wextê daxistina bar bi wezna wî ve girêdayî ye, rojane bi qasî 2,500 tonî tê barkirin û bi nîyaz in ku zêdetir bikin.
Keştîya halê hazir 15,000 ton genim hildigirt, ew jî yek ji keştîyên ku piştî rizgarbûna Sûrîyeyê gihaye û berî wê jî 4ên din jî hatibûn ku barê wan dora 1000 tonî bû. Ev yek jî, wekî beşek ji planeke neteweyî tê ya ku armanca wê pêşxistina ewlehîya xwarinê û dabînkirina kelûpelên bingehîn ji welatîyan re ye.
