Dêra Zorê-SANA
Nivîsgeha Şaxê Yekîtîya Nivîskarên Ereb li parêzgeha Dêra Zorê destpêşxerîya “Pênûsên Nazik” da destpêkirin. Armanca wê vedîtina behreyên wêjeyî yên jinan û pêşxistina wan e, û veguherandina wan bo enerjîyên afirîner ên gihîştî ku li gorî dîmena çandî ya Sûrîyê be.
Serokê Şaxê Yekîtîya Nivîskarên Ereb li Dêra Zorê, helbestvan Ebdulnasir Hedad, di daxuyanîyekê de ji SANAyê re eşkere kir ku ev înîsîyatîf ji bawerîya Yekîtîyê bi rola serekî ya jina rewşenbîr û nivîskar dertê û hewl dide piştevanîya behreyên wêjeyî yên jinan bike.
Hedad amaje bi wê yekê kir ku yekemîn çalakîyên vê destpêşxerîyê wê di destpêka meha Mijdara bê de dest pê bikin, bi rêya komxebateke wêjeyî ya perwerdeyî ku dê mehekê bidome, bi sê rûniştinên heftane, li jêr çavdêrîya komeke bijarte ya nivîskar û mamosteyên wêjeyê li Zanîngeha Firatê.
Jinên ku dixwazin beşdarî înîsîyatîfê bibin, dikarin rasterast ligel Nivîsgeha Şaxê Yekîtîya Nivîskarên Ereb li Dêra Zorê yan jî bi rêya sepana WhatsAppê li ser hejmara: 0949120040 têkilîyê bikin.
Yekîtîyê berê jî bal kişandibû ser qelsîya nûnertîya nivîskarên jin ên Sûrî di endametîya xwe di dehsalên borî de ku hejmara endamên jin ji 180 nivîskaran ji tevahîya endamên Yekîtîyê li tevahîya Sûrîyê derbas nebûbû, ango bi rêjeya nêzîkî 8%.
