Şam-SANA
Wezareta Perwerdeyê biryara jimar 1747 derxist, li gorî wê kesên ku girêbest bi wezaretê re ji bo karên îdarî îmze kirine, karin careke din girêbestên xwe nû bikin. Armanc ji vê yekê sûdedîtina ji pisporîya wan e ji bo bilindkirina kalîteya pêvajoya perwerdeyê û dabînkirina berdewamîya wê.
Derîyê serlêdanan ji bo dema deh rojan, ji 19 heta 28ê Tîrmeha 2026an, tê vekirin. Daxwazname bi awayekî kesane bo Dîwana Rêveberîya Perwerdeyê, ya ku berê girêbest pê re îmze kiribû, tên pêşkêşkirin. Belgeyên pêwîst jî ev in: Kopîyeke pesendkirî ya bawernameya xwendinê, belgeya nemehkûm, belgeya nekarmend û belgeyek ji rêveberîya perwerdeyê ya peywendîdar ya dîyar dike ku ew niha li ser karê xwe ye.
Di biryarê de hatiye dîyarkirin ku nûkirina girêbestê li cihê peymana berê û li gorî hewcedarîya rasteqîn a Rêveberîya Perwerdeyê ya resen tê kirin. Bi mercê ku rêveberîyên parêzgehan lîsteyên hewcedarîyên xwe yên rasteqîn ji Rêveberîya Geşepêdana Îdarî ya li Rêveberîya Navendî re bişînin ji bo werin pejirandin.
