Şam – SANA
Wezareta Xwendina Bilind û Lêkolîna Zanistî îro roja Sêşemê bursên xwendinê yên ku ji alîyê hikûmeta Hindistanê ve ji bo xwendekarên Sûrî hatine pêşkêşkirin, ragihand. Ev burs ji bo qonaxên lîsans û xwendina bilind ya sala xwendinê ya 2026/2027an in.
Wezaretê her du bernameyên bursan (Lata Mangeshkar û Atal Bihari) ragihandin. Mercên sereke zimanê Îngilîzî û temen in (heta 35 salî ji bo lîsans û masterê, û 40 salî ji bo doktorayê). Roja 15ê Nîsana 2026an wekî dema herî dawî ya serlêdana elektronîkî hat dîyarkirin. Qebûlkirina xwendekaran di destê alîyê Hindî de ye, û ev daxuyanî piştî ragihandina bursên “AARDO” ya berê hat.
Encumena Hindî (ICCR) bursa “Lata Mangeshkar” ji bo huneran (bi heqê xwendinê, cihê mayînê û bilêta balafirê ve) û bursa “Atal Bihari” ya sala 2026-2027an pêşkêş dike. Di bursa Atal Bihari de 625 kursî ji bo hemû beşan hatine veqetandin, ji bilî beşên bijîşkî, perestarî û endazyarîya bijîşkî.
