Şam-SANA
Wezareta Perwerde û Fêrkirinê duh dema destpêkirina tomarkirinê ji bo ezmûnên bawernameyên giştî yên gera 2026an di 4ê Kanûna Duyem a bê de dîyar kir. Tomarkirin heta 5ê Adara bê ji bo xwendekarên asayî û heta 12ê heman mehê ji bo xwendekarên ku bi awayê xwendina azad beşdar dibin, dewam dike.
Li gorî mercên tomarkirinê yên ku SANAyê kopîyek jê wergirt, Wezaretê dîyar kir ku destûr tê dayîn xwendekarên ku bi awayê xwendina azad beşdarî ezmûnên giştî dibin, li parêzgeha ku ew dixwazin navê xwe tomar bikin. Her wiha destûr tê dayîn ku tenê ji bo gera 2026an beşdar bibin bêyî ku li hejmara salên derbasbûnê bê nihêrtin.
Wezaretê bang li kesên ku dixwazin agahîyan li ser mercên tomarkirinê wergirin kir ku serdana rûpela wê ya fermî li ser torên civakî “Facebook û Telegram”ê bikin.
Wezareta Perwerde û Fêrkirinê ya Sûrîyeyê duh biryarek derxistibû ku rawestandina karkirina bi pêkanîna testa berbijêrkirinê ji bo xwendekarên azad ên ku beşdarî ezmûnên bawernameya amadeyîya giştî (lîse) bi her du beşên zanistî û wêjeyî dibin ji bo sala xwendinê ya 2025-2026an, berdewam dike.
