Şam-SANA
Wezareta Perwerdeya Bilind û Vekolînên Zanistî, îro sibehê lînkek taybet ji bo serlêdanên qebûlkirina zanîngehê ji bo sala xwendinê ya 2025-2026an ragihand.
Wezaretê di daxwuyaniyekê de ku kopyayek jê gihaye SANAyê diyar kir ku pêşkêşkirina daxwaznameyên di riya wê lînkê re îro roja çarşembê dest pê dike û ta dawiya roja pênşemê 6/10/2025an berdemam e.
Wezaretê ji xwendekaran daxwaz kir ku li promoya fermî binêrin da çawaniya qeydkirina mufadeleyên qebûlkirina zanîngehê ji bo sala xwendinê ya 2025-2026an, di riya lînkê re nas bikin.
Wezaretê amaje kir ku wê xwendekar li navendên piştgiriyê yên zanîngehan, ji sa’et 9ê sibehê ta bi saet 2 û nîvê piştî nîvro, ji bilî roja înê û şemiyê bên pêşwazîkirin, ji bo rê nîşanî wan bidin û alîkariya wan bikin.
Û li gor Wezaretê, wê xwendekar belgeyên ji bo qeydkirina dawî, piştî ragihandina navên ku di mufadeleyan de hatine qebûlkirin, temam bikin.
Û xwendekar dikarin ragihandinên encamên mufadeleyên qebûlkirina zanîngehê bi hemî cûreyên wê û naskirina agahiyên girêdayî şert û mercên wê û hin agahiyên din, di riya malpera wezaretê ya elektronîk û rûpela wê ya Facebok ya fermî û kenala wê ya Telegramê re nas bikin.
