Şam-SANA
Wezareta Perwerdeyê ya Sûriyê, îro ragihand ku wê lînkeke elektronîk ya nû ji bo peyakirina dosyan dabîn kiriye dihêle xwendekar, mamoste, dê û bav pirtûkên dersan yên rêbaza xwendinê ya sererastkirî ya sala akademîk a 2025-2026, ji bo hemî astên hînkirinê û li hemî parêzgehên Sûriyeyê bidest xwe ve bînin.
Wezaretê di daxuyaniya xwe ya ku nusxeyek jê gihaye SANAyê, da xwuyakirin ku pirtûk dê bi awayê PDF peyda bibin û her kes karibe bi hêsanî li ser cîhazên xwe yên cûrbecûr wan dosyayan peya bikin û bixwînin. Ev gav beşek ji hewldanên wezaretê ye ji bo pêşvebirina perwerdeya dîjîtal û bicîanîna wekheviya perwerdeyê ji bo hemî xwendekaran.
Wezaretê destnîşan kir ku xwendekar dikarin wan dosyayan bi rêya vê lînkê peya bikin.
Ev kar wek beşekî ji plana wezaretê ye ya ji bo hêsankirina gihîştina çavkaniyên perwerdeya dîjîtal û piştgirîkirina prosesa hînkirinê, bi taybetî pitşî ew guhertinên ku di hin pirtûkan de hatine pêkanîn.
Û wezaretê di heyva tîrmeha bûrî de ragihandibû ku dê rêbaza xwendinê ya 2024-2025an ji bo sala xwendinê ya 2025-2026an, piştî rakirina hemû sembolên rejîma berê, were pejirandin.
