Şam-SANA
17 hezar mamosteyên ku di wextê rejîma berê de ji ber sedemên pûç û betal ji karên xwe hatibûn dûrxistin bi talîmata Wezareta Perwerdehîyê ya Sûrîyê li karên xwe hatin vegerandin.
Hat ragihandin rêveberiyên perwerdehiyê li parêzgehên Sûriyeyê, wekî gavek ber bi ji nû ve avakirina sektora perwerdehiyê û vegerandina karmendên mamostetiyê, serlêdanên ji bo vegera mamosteyên ku di salên şoreşê de ji aliyê rejîma berê ve bi awayekî keyfî hatine avêtin û ji kar hatibûn dûrxistin tên wergirtin karên xwe yên berê.
Derbarê mijarê de ji teref Wezaretê Perwerdehîyê ve daxuyanîyek hat belavkirin. Di daxuyaniya ku hat belavkirin de, ku îro nusxeyek ji wê gihîştiye SANAyê, hat destnîşankirin ku nêzîkî 17 hezar mamosteyên jin û mêr ên ku berê di serdema rejîma berê de ji kar hatibûn avêtin, dê piştî nirxandina rêveberiyên têkildar heta 15ê Îlonê ji bo temamkirina prosedurên vegera ser kar, ji nû ve dest bi karê xwe bikin.
Ji bo Xurtkirina Sektora Perwerdehiyê Gaveke Nû
Wezaretê di berdewama daxuyanîya xwe de îfade kir ku ev gav di çarçoveya piştgiriya mamosteyan û zêdekirina rola wan a di pêvajoya perwerdehiyê de ye. Her wiha hat destnîşankirin ku vegera karmendên mamostetiyê peyamek dilsozî û teqdîrkirinê ji bo qurbanî û hewldanên mamosteyan temsîl dike. Mamoste stûna bingehîn a pêvajoya perwerdehiyê temsîl dikin û ev destpêşxerî beşdarî aramiya û pêşkeftina sektorê dibe.
Wezaretê di berdewama daxuyanîyê de îfade kir ku pêvajoya vegerê li ser bingeha statîstîkên rast û berfireh ên ku çend meh berê ji hêla Wezareta Pêşkeftina Îdarî ve hatine peyda kirin, hatiye organîzekirin. Pêvajoya qeydkirinê bi rêya girêdanek elektronîkî hate organîzekirin ku ji bo çavdêrîkirin û belavkirina karmendên hînkirinê li parêzgehan hatiye veqetandin. Ev tedbîr beşek ji hewldana reformkirin û pêşxistina pergala perwerdehiyê, misogerkirina aramiya karmendên wê, û afirandina jîngehek xebatê ya teşwîqker in ku beşdarî baştirkirina kalîteya perwerdehiyê û avakirina nifşek serketî dibe ku dikare ji bo pêşeroja neteweyê pê bawer be.
