Şam-SANA
Wezareta Perwerdeyê, îro biryar da ku komîteyeke pispor ava bike ji bo temamkirina rêkarên xebata kadroyên perwerdeyê yên Sûrî yên ku ji Tirkîyê vegerîyane. Ev biryar dê li gorî mekanîzmayeke dîyarkirî cî bi cî bibe. Wek rêzgirtin bo qurbanîdan û keda wan a mezin, dê rewşa wan a karmendîyê li gorî qanûnê serrast bikin, bi awayekî ku yekîtîya pergala perwerdeyê xurt bibe.
Li gorî biryarê, pêkanîna hevdîtinê bi wan kadroyan re li parêzgehan beşek ji vê mekanîzmayê ye, ji bo rêxweşkirina li pêşîya temamkirina rêkarên wan. Ev yek dê li gorî hewcedarîya bi bawernameyên wan ên zanistî were kirin, da ku asta perwerdeyê bilind bibe û pêdivîyên xwendekaran li parêzgehên cuda, li gorî rêzikname û sîstemên heyî, werin dabînkirin.
Dana biryarê ji bo wê yekê bû ku di salên borî de, bi hezaran mamoste û kadro di mercên dijwar de li derveyî welat dixebitîn da ku berdewamîya perwerdeya zarokên Sûrî misoger bikin, û pêwîst e piştî ku vegerîyane welat tevlî karê xwe yê perwerdeyê bibin.
