Beyrûd – SANA
Şandeyek ji Desteya Standard û Pîvanan a Sûrî, bi serokatîya Rêveberê Giştî Yasir Ilêwî, li Beyrûdê, zanyarî li ser ezmûna Enstîtuya Lêkolînên Pîşesazî ya Libnanî ya di warê pejirandina navdewletî û rêvebirina laboratoran de, li gorî merc û pîvanên navdewletî yên naskirî, wergirtin.
Desteyê îro Çarşemê li ser kenala xwe ya Telegramê, dîyar kir ku şandeya Sûrî di serdanê de geşepêdana hevkarîya teknîkî û zanistî bi Enstîtuyê re, pevguhertina ezmûnan di navbera sazîyên pispor ên her du welatan de, mekanîzmaya encamdana analîz û kontrolan ji bo bar û kelûpelên ku bi rêya dergehên gumrikê re derbas dibin, û derxistina bawernameyên analîzê ji bo berhemên hawirdekirî, gotûbêj kirin.
Şandeya Sûrîyê civîneke berfireh bi alîyê Libnanî yê bi serokatîya Rêveberê Giştî yê Enstîtuyê Besam El-Firin re pêk anî. Di civînê de, her du alîyan gotûbêj li ser pêşxistina hevkarîya teknîkî û nirxandina mekanîzmaya cîbicîkirina peymana naskirina hevbeş a bawernameyên lihevhatinê di navbera Sûrî û Libnanê de kir.
Her du alîyan li ser lêkolînkirina careke din a lîsteya kelûpel û berhemên ku têne pevguhertin, dîyarkirina lîsteya pêşîneya kelûpelan, û danîna çarçoveyeke teknîkî ya yekgirtî ku bibe alîkar ji bo lezkkirina rêkarên gumrikê û kêmkirina astengîyên teknîkî yên li pêşîya bazirganîyê, li hev kir.
Her wiha şandeyê di gera li nav beş û laboratorên Enstîtuyê de, agahdarî li ser amûr û teknolojîyên ku di taqîkirin, analîz û pîvana standard de têne bikaranîn wergirtin, û xizmetên Enstîtuyê ji bo her du kartan, ya giştî û ya taybet, û rola wê di piştgirîya kontrolkirina kelûpel û berheman de, dîtin.
