Şam-SANA
Bajarê Pêşangehan ê Nû, li Şamê ji destpêka sala 2026an ve şahidîya çalakîyeke berfireh a pêşangehên taybetmend kir ku gelek sektorên aborî li xwe girtin, da ku ev çalakî îro ber bi sîwaneke yekgirtî ve biçin ligel destpêkirina Pêşangeha Navneteweyî ya Şamê di gera xwe ya 63emîn di navbera 26ê vê Tebaxê û 4ê Îlona bê de ku tê de kompanya û veberhêner di qadeke aborî ya yekgirtî de digihîjin hev a ku derfetên hevkarîyê û pevguhertina ezmûnan xurt dike.
Rêveberê Çalakîyan li Kompanya “Glevent”ê ya pispor di birêkxistina pêşangeh û konferansan de –ji wan pêşangeha “Texspo Land” a teknolojî û dahênanê ku di Cotmeha borî de hatibû lidarxistin– Selah Ezîzîye, îro Şemîyê di daxuyanîyekê de ji bo SANAyê dîyar kir ku Pêşangeha Navneteweyî ya Şamê platformeke girîng a aborî û bazirganî nîşan dide ku kompanya, sektor û pisporîyên cihêreng li ser asta navxweyî, Erebî, herêmî û navneteweyî li hev dicivîne.
Ezîzîye da zanîn jî ku girîngîya pêşangehê tenê bi çalakîyeke aborî ve nayê sînordarkirin, lê belê derbasî wê yekê dibe ku bibe qadek ji bo pêwendîdanîn, hevnasîn û pevguhertina ezmûnan, ligel vekirina kanalên nû yên hevkarîyê di navbera kompanya û alîyên cuda cuda de.
