Şam – SANA
Wezîrê Çandinîyê yê Sûrîyê Basil El-Siwêdan, ligel şandeya koma “Silal” a Îmaratî, derfetên veberhênanê di warê çandinîyê de li parêzgehên Dêrezor, Hims, Reqa, Tertûs û Laziqîyê gotûbêj kirin.
Di hevdîtinê de, behsa amadekarîyên îmzekirina du peymanên demdirêj di çarçoveya Pêşangeha “Food Expo 2026” de hat kirin. Peymana yekem li ser veberhênana di warê çandinîyê de û ya duyem jî li ser hinardekirina 3000 ton kartolan bû, wekî qonaxa yekem, bi rêya Şirketa “El-Bekrawî”.
El-Siwêdan bal kişand ser avantajên balkêş yên çandinîya Sûrîyê ji alîyê keşûhewaya pirreng, kalîteya hilberînê û kadroyên pispor ve; û amadebûna wezaretê ji bo dabînkirina hêsankarîyan û misogerkirina mafên dewletê dîyar kir.
Ji alîyê xwe ve, şandeya Îmaratî ya ku hin berpirsên koma “Silal” û Şirketa “El-Bekrawî” di nav de bûn, guhdana xwe bi veberhênanê û bikaranîna teknolojîyên nûjen, da ku hilberînê zêde bikin û berhemên bi kalîte yên mîna avokado û kîwîyê pêş bixin, nîşan da.
