Şam-SANA
Parêzgarê Banka Navendî ya Sûrîyê Mihemed Sefwet Reslan piştrast kir ku aramîya aborîya Sûrîyê berpirsîyarîyeke niştimanî ya hevbeş e û pêwîstîya wê bi hevkarîya dewletê, sektora bankê, sektora taybet û şîyanên Sûrî yên li hundir û derve heye. Reslan da zanîn ku her sîyaseteke diravî nirxê xwe nagire, heta ku bi rengekî rastîn di jîyana mirovan û aramîya wan de neyê xuyakirin.
Sefwet Reslan îro Şemîyê di postekê de li ser rûpela xwe ya Facebookê got: “Îro ez berpirsîyarîya parêzgarîya Banka Navendî ya Sûrîyê hildigirim ser milê xwe, di qonaxekê de ku wekî yek ji hestyartirîn qonaxan di dîroka nûjen a aborîya Sûrîyê de tê dîtin.”
Navbirî axaftina xwe wiha qedand: “Ez spasîya Serok Ehmed El-Şeri` dikim ji bo bawerîya wî ku ev berpirsîyarîya niştimanî spartîye min. Her wiha spasîya hevalê xwe Ebdulqadir Hesrîyê dikim ji bo hewldanên wî yên di qonaxa borî de, û serkeftinê ji bo wî di karên wî yên nû de dixwazim.”
