Şam-SANA
Wezîrê Veguhastinê Ye’rûb Bedir bi hevtayê xwe yê Siûdî Salih bin Nasir El-Casir re xurtkirina hevkarîya dualî di warên veguhastina bejayî û ya rêyên hesinî de, û rêyên piştevanîya projeyên girêdana herêmî gengeşe kirin; ev yek bi mebesta bilindkirina karîgerîya zincîreyên dabînkirinê û xurtkirina hevgirtina aborî ya di navbera welatên herêmê de ye.
Wezîr Bedir di civînekê de bi rêya vîdyo-konferansê bi El-Casir re îro Pêncşemê, girîngîya xurtkirina hevkarîyê di sektora veguhastinê û girêdana rêyên hesinî û geşepêdana veguhastina pir-şêweyî de tekez kir. Her wiha amaje bi xeta rêya hesinî ya di navbera Şam û sînorê Urdunê de kir ku pêdivîya wê bi veberhênanên mezin û hewldanên hevpar heye.
Ji hêla xwe ve, Wezîrê Veguhastinê yê Siûdî kûrahîya peywendîyên dualî û xwesteka Siûdîyê ji bo geşepêdana hevkarîyê di sektora veguhastinê de piştrast kir, wekî ku ew stûneke bingehîn e ji bo xurtkirina tevgera bazirganî û girêdana bazarên herêmî.
Her du alîyan li ser xurtkirina hevahengîya teknîkî û çalakkirina kanalên ragihandinê di navbera tîmên pispor de li hev kir, û her wiha bilezkirina kar li ser proje û peymanên hevbeş di warên veguhastina bejayî, rêyên hesinî û deryayî de, ji bo bilindkirina karîgerîya xizmetguzarîyên lojîstîk.
