Şam – SANA
Birêvebirê Banka Navendî ya Sûrîyê, Ebdilqadir El-Hesrîye, pêşwazî li biryara Kenedayê ya rakirina cezayên li ser Sûrîyê kir, ku ev yek rûpelekî nû yê derfet û hevkarîya avaker di navbera her du welatan de vedike.
El-Hesrîye di daxuyanîyekê de ku îro li ser kenala Bankê ya Telegramê hat weşandin, got ku wî di serdana xwe ya dawî ya bo Kenedayê de, ji bo avakirina pirên hevkarîyê di navbera sektora darayî ya Sûrîyê û sektora darayî ya Kenedayê de, hejmarek hevdîtinên ʺberhemdar û serkeftî bi hemû pîvananʺ bi Banka Navendî ya Kenedayê û hevparine girîng ên sektora darayî re, pêk anîn.
El-Hesrîye tekez kir ku di vê serdanê de wan daxwazeke zelal li cem Kanadayê ji bo piştgirîya aramîya darayî û xurtkirina asoyên hevkarîyê bi Sûrîyê re di qonaxa bê de dît. Lê zêde jî kir û got: “Em dixwazin sûdê ji vê destpêkirinê bibînin, û bi hev re bixebitin ji bo ji nû ve aborîya xwe bi rengekî ewle û bi bandor tevlî pergala darayî ya cîhanî bikin.”
Hikûmeta Kenedayê duh ragihandibû ku wê cezayên li ser Sûrîyê rakirine û navê wê ji lîsteya welatên ku piştgirîyê didin terorê derxistiye, piştî hewldanên ku Hikûmeta Sûrîyê ji bo xurtkirina aramîya welêt dike. Wê bal kişand ser wê yekê ku gavên wê yên rakirina cezayan ji ser Sûrîyê, li gorî biryarên ku hevalbendên wê ne ku di Brîtanya û Amerîkayê jî di nav de, vê dawîyê standine.
