Enqere-SANA
Wezîrê Veguhastin û Binesazîyê yê Tirkîyeyê Ebdulqadir Uraloğlu, ragihand ku veguhestina bejayî ya di navbera Sûrîye û Tirkîyeyê de ku ji sala 2011an ve hatibû sekinadin, dîsa dest pê kir.
Uraloğlu di daxuyanîyekê de ku îro ji hêla Ajansa Anadoluyê ve hat weşandin, rave kir ku duhî heft kamyon di navbera her du alîyan de derbas bûn. Çar kamyon ji Mersînê ber bi Helebê ve, û sê kamyon jî ji Îdlibê ber bi Mersînê ve, di rêya dergehê Cilvegozuyê re yê li hember dergehê Bab El-Hawayê yê Sûrîyeyê, derbas bûn.
Her weha Wezîrê Tirkîyeyê destnîşan kir ku di salên dawî de veguhastina di navbera her du welatan de hew bi rêyên transîtê dihat kirin. Wekî din jî, rave kir ku vegera veguhastina rasterast tê wê wateyê ku wesayîtên Tirkî û Sûrî dê bêyî ku hewce bike ku li ser sînor kelûpelan bi hev biguherin, wê rasterast berê xwe bidin cihên xwe.
Her weha wî destnîşan kir ku ev gav piştî îmzekirina têgihnameyeke bi alîyê Sûrîyeyê re di Korbenda Korîdora Veguhastinê ya Cîhanî de hat.
Her wekî tê zanî, hefteya çûyî, Wezîrê Bazirganîyê yê Tirkîyê Omer Bolat ragihand ku Sûrîye dê vegere şûna xwe berê wek berî 2011an, rêbara bazirganîyê ku tê re herin û werin. Wekî din jî, wî rave kir ku rêdana trafîka transîtê dê bandoreke erênî li ser bazirganîya herêmî ya giştî bike.
