Şam-SANA
Rêveberîya Giştî ya Şûnwar û Muzexaneyan du peymanên nû ji bo nûjenkirina cihên şûnwarî li Heleb û Tertûsê îmze kirin; ya yekem ligel Sazîya Axa Xan bi serokatîya Xitfan Ecûb ji bo nûjenkirina bazarên Helebê, Dibistana El-Hulwîye û Muzexaneya Tertûsê ye, û ya duyem jî ligel şandeke Hungarî bi serokatîya Dr. Balac Macor ji bo nûjenkirina Keleha El-Merqebê ye.
Karûbar jî bikaranîna teknolojîyên nûjenkirinê yên ku resenîya mîmarî diparêzin, û jinûvedestpêkirina vekolandina meydanî li kelehê ji bo geşepêdana wê ya geştyarî li xwe digirin, ji bilî birêxistina xulên perwerdeyê ji bo pîşekar û kadroyên xwecihî di warên kolandina ewle, belgekirina şûnwarî û nûjenkirina domdar de.
Rêveberê Giştî yê Şûnwar û Muzexaneyan Dr. Mesûd Bedewî tekez kir ku armanca van hevkarîyan parastina kelepûrê, pevguhertina ezmûnan û peydakirina amûrên taybetmend e, ku ev yek beşdarîyê di lezkirina karên nûjenkirinê de li çendîn cihan dike, nola Muzexaneya Tedmurê, Keleha El-Hisnê û Dêrezorê.
