Şam-SANA
Li Sûriyê ji ber weşandina fîlmekî li ser şehîd Xiyas Matar nîqaşek dest pê kiribû ku di vî warî de beyatek jî ji teref Wezîrê Çandê yê Sûrîyê ve hat belavkirin.Hat ragihandin piştî nakokiyên li ser nîşandana fîlmekî li ser şehîd Xiyas Matar, Wezîrê Çandê yê Sûriyê Muhemmed El-Saleh piştrast kir ku wezaret nikare fîlmekî li ser yek ji kurên şoreşa gelê Sûriyê betal bike.
Wezîr El-Saleh di parvekirina xwe ya ku li ser hesabê xwe yê (X)ê kir de got: “Wezareta Çandê nikare fîlmekî li ser yek ji kurên şoreşa me betal bike. Ji bo hêsankirina nîşandana fîlmê talîmat hatine dayîn, û ez hêvî dikim ku kesên berpirsiyarê projeyê ti biryareke ku li dijî vê talîmatê be negirin. Ez ji her kesê hilberîner ê ku beşdarî vê xebatê bûye û ji hemî mirovên jêhatî ên welatê me yê delal re serkeftinê dixwazim.”
Li gorî agahiyên ku hatine bidestxistin El-Saleh bi rêya telefonê bi derhênerê fîlmê, Sam El-Qadî, û bi diya Xiyas re axiviye, ku li benda nîşandana fîlmê wekî dawetek ji bo kurê xwe ye. Her wiha hat hînbûn wî piştgiriya tevahî ya wezaretê ji bo nîşandana fîlmê û hewesa wê ya ji bo rakirina her nezelaliyek ku dibe sedema têkçûna wê îfade kir.
Ev helwest di çarçoveya pabendbûna Wezareta Çandê ya ji bo piştgiriya berhemên hêjayî yên ku bîra neteweyî diparêzin û qurbaniyên gelê Sûriyeyê rêz digirin de tê nîşandan. Ev helwest ji baweriya wê ya bi rola çandê di belgekirina rastiyê û xurtkirina nirxên ku Sûriyeyê ji bo wan ji bo edalet, rûmet û azadiyê şer kirine de derdikeve holê.
Şehîd Xiyas Matar jî bû?
Şehîd Xiyas Matar çalakvanekî Sûriyeyê bû ku beşdarî organîzekirina xwepêşandanên daxwaza azadiyê li bajarê Dareya li gundewarê Şamê bû. Ew di Îlona 2011an de ji aliyê endamên rejîma berê ve hate girtin û di bin îşkenceyê de hate şehîdkirin.
