Hema-SANA
Li taxa El-Beyyad a bajarê Hemayê, 26ê vê heyvê êvarî, tawaneke kuştinê ya hovane pêk hat, tê de malbateke ku ji mêr, jin û sê keçên xwe pêk dihat, di hundirê mala xwe de kuştî hatine dîtin.
Wezareta Navxweyî di daxuyanîyekê de îro ragihand ku Rêveberîya Ewlekarîya Hundirîn li bajêr, piştî wergirtina agahîyên pêkahtina vê bûyerê, yekser dest bi rênimayên yasayî yên pêwîst kir, bi rêya dorpêçkirina derdora cihê tawanê, komkirin û analîzkirina delîlan, û belgekirina hemû zanyarîyên meydanî ligel vekirina lêkolîneke berfireh ji bo eşkerekirina hûrgilîyên bûyerê.
Wezaretê eşkere kir ku encamên destpêkê yên lêkolînên nîşan didin ku mêr jina xwe û her sê keçên xwe kuştine, paşê dawî li jîyana xwe jî anîye. Her wiha hat dîyarkirin ku lêkolîn hîn berdewam in ji bo zanîna sedem û hûrgilîyên tam ên vê tawanê.
