Şam-SANA
Sektora geştyarîyê li Sûrîyê di nîvê yekem ê sala 2026an de geşepêdaneke berbiçav tomar kir; ji ber ku hejmara giştî ya geştyaran ji Sûrîyên li derve dijîn, Ereb û bîyanîyan gihîşt 3.52 mîlyon geştyarî û par gihîştibû 1.67 mîlyon geştyarî. Bi vî rengî, rêjeya geşepêdanê digihîje %111 û hejmara geştyarên bîyanî %448 û ya geştyarên Ereb jî %107.
Desteya Amarê di Wezareta Geştyarîyê de ji SANAyê re dîyar kir ku wan di nîvê yekem ê sala 2026an de rêjeyên geşepêdanê yên awarte tomar kirine, ku ev yek bilindbûna bawerîya bi Sûrîyê wekî şûneke geştyarî û zêdebûna daxwaza herêmî û navdewletî ya ji bo serdana wê nîşan dide.
2.13 Mîlyon Geştyarên Sûrî yên li Derve Dijîn
Desteyê di berdewamîya axaftina xwe de got: Hejmara geştyarên Sûrî yên li derve dijîn di nîvê yekem ê sala 2026an de gihîşt 2.13 mîlyon geştyarî û par 1.22 mîlyon bûn, ku geşepêdana bi rêjeya %75 bi dest xistiye.
Sûrîyên li Derve Balyozên Sûrîyê ne di Cîhanê de
Wezîrê Geştyarîyê Mazin El-Salihanî di daxuyanîyekê de ji SANAyê re got: “Em bi zêdebûna mezin a hejmara geştyaran ji Sûrîyên ku li derve dijîn serbilind in, ji ber ku ew ne tenê nûnertîya beşek ji geştyaran dikin, lê ew balyozên Sûrîyê ne di cîhanê de û yekem kes in ku tecrûbeya wê ji bo malbat û civakên xwe vediguhêzin. Vegerandina bawerîya Sûrîyan bi welatê xwe, pêngava yekem e ber bi çespandina bawerîya cîhanê bi Sûrîyê wekî şûneke geştyarî.”
