Enqere-SANA
Şandeyeke Wezareta Navxweyî ya Sûrîyê serdana Fermandarîya Giştî ya Hêzên Cendirmeyên Tirkî ya girêdayî Wezareta Navxweyî li Komara Tirkîyê kir. Ev yek jî di çarçoveya xurtkirina hevkarîyê û pevguhertina ezmûnan di navbera her du alîyan de di warên ewlehî û perwerdeya pisporî de pêk hat.
Wezareta Navxweyî îro Yekşemê li ser kanala xwe ya Telegramê dîyar kir ku serdanê Fermandarîya Komandoyên Taybet ên Cendirmeyan ji bo Ewlehî û Pergala Giştî (JÖAK) û Navenda Perwerdekirina Hesp û Segên Cendirmeyan (JAKEM) li xwe girtine.
Di serdanê de, şande ji ezmûn û bernameyên perwerdeyê yên pispor, û mekanîzmayên amadekirin û rahênana yekîne û kadroyên di warê operasyon û erkên taybet de dixebitin, ligel segên polîsî û yekîneyên siwaran agahdar bû.
Wezaretê dîyar kir ku di şandeyê de Rêveberê Îdareya Perwerde û Rahênanê Dr. Husên Selman, Rêveberê Îdareya Erkên Taybet Emîd El-Beraa El-Elî, Rêveberê Îdareya Parastin û Ewlehîya Dîplomatîk Eqîd Ebdilrezaq Simaq, û Rêveberê Îdareya Hevkarîya Navdewletî Eqîd Ebdilrehîm El-Cebare, ligel hejmarek efserên Wezareta Navxwe cih girtibû.
