Şam-SANA
Sûrîye û Libnan li ser amadekirina planeke pratîkî û yekgirtî ji bo hevkarîya di navbera her du welatan de di warê projeyên veguhastin û girêdana rêyên hesinî de li hev kirin.
Ev plan bi mebesta zêdekirina derfetên kişandina alîyên daner û dabînkirina fînansekirina projeyên hevpar hat amadekirin; her wiha biryar hate dayîn ku ji bo şopandina karên cîbicîkirinê tîmeke teknîkî ya hevpar were avakirin.
Wezîrê Veguhastinê Ye’rub Bedir îro Sêşemê li Şamê, di konferanseke çapemenîyê de ku li avahîya wezaretê bi Wezîrê Karên Giştî û Veguhastinê yê Libnanê Fayiz Resamnî re li dar xist, tekez kir ku xebata hevpar a bi alîyê Libnanî re bingeha çalakirina projeyên girêdan û veguhastinê ye.
Bedir bi taybetî bal kişand ser vejandina tora rêyên hesinî ya ku berê Sûrîye û Libnan bi hev ve girê didan.
Wezîr Bedir da zanîn ku girêdana rêyên hesinî di navbera her du welatan de, di çarçoveyeke berfireh a girêdana herêmî de ku heta welatên Kendavê dirêj dibe tê nirxandin.
Hat dîyarkirin ku ev yek dê ji bo kêmkirina lêçûnên veguhastina rêwî û kelûpelan û geşkirina tevgera bazirganîyê, bibe alîkar.
Navborî dîyar kir ku Sûrîyê bi hevkarîya Banka Îslamî ya Geşepêdanê û Banka Cîhanî dest bi piştgirîkirina projeyên sektora veguhastinê kiriye.
Her wiha amaje bi wê yekê kir ku balpêdaneke mezin a kompanyên navneteweyî heye da ku beşdarî projeyên nûjenkirin û sererastkirina rêyên navdewletî yên li Sûrîyê bibin.
