Enqere-SANA
Serokkomarê Tirkîyê Recep Tayyip Erdogan tekez kir ku geşedanên ku herêm tê re derbas dibe, rastîya wan gavên ku Tirkîye û Azerbaycanê di warê enerjîyê de avêtine piştrast dikin. Her wiha destnîşan kir ku destpêşxerîya hevbeş a her du welatan ji bo dabînkirina gazê ji bo Sûrîyê, beşdarî geşepêdana wê dibe û ewlehîya herêmî xurt dike.
Ajansa “Anadolu”yê ji zarê Erdogan di peyamekê de ku îro Duşemê arasteyî beşdarên vekirina “Hefteya Enerjîyê ya Bakûyê” li Bakûyê kiribû û ji alîyê Wezîrê Enerjîyê yê Tirkîyê Alparslan Bayraktar ve hat xwendin, ragihand: Tirkîye û Azerbaycan bi beşdarîya Gurcistanê cîbicîkirina projeyên xetên borîyan ên mezin didomînin, ji wan xetên “Bakû-Tblîsî-Ceyhan”, “Bakû-Tblîsî-Erzirum” û “TANAP”. Her wiha bal kişand ser derfetên xurtkirina hinardekirina gaza Tirkmenistanê bi rêya Azerbaycan û Tirkîyê, û zêdebûna bikaranîna xeta “Bakû-Tblîsî-Ceyhan” ji bo veguhastina çavkanîyên Kazaxistanê bo bazarên rojavayî.
Serokkomarê Tirkîyê tekez kir ku welatê wî xwedî dîtineke ku li ser bingeha bidestxistina karîgerîyê û rêzgirtina li jîngehê di hemû warên enerjîyê de ye, di nav de enerjîya nûjen û kesk. Wî dîyar kir ku “Tirkîye bi biryar e ku bibe yek ji welatên pêşeng û nimûneyî di xebata avhewayê ya cîhanî de bi mêvandarîya Lûtkeya 31emîn a Konferansa Alîyan (COP31) li wîlayeta Antalyayê di navbera 9 û 20ê Mijdara bê de.”
