Şam – SANA
Wezîrê Karên Giştî û Niştecihbûnê Mustefa Ebdulrezaq li Şamê, ligel rêveberên Bernameya Neteweyên Yekbûyî ya Niştecihkirina Mirovan Philip Decorte û Hiroshi Takabayashi, qadên hevkarîyê yên di sektora niştecihbûn û geşepêdana bajarvanîyê de gotûbêj kirin.
Şandeyê bernameyên piştgirîyê û serpêhatîyên xwe yên di çareserkirina niştecihbûna bêserûber de pêşkêş kirin û giringîya hevkarîya ligel wezaretê anî ziman. Ji alîyê xwe ve, wezîr tekezî li ser giringîya dosyayên pêşnîyarkirî kir, ku di serî de projeya “Sûrîye bê Kamp” ji bo lezkirina jinûveavakirinê û baştirkirina binesazîyê ye.
Alîkarê Wezîrê Karên Giştî û Niştecihbûnê Îmad El-Misrî, Stratejîya Niştimanî ya Niştecihbûnê û armancên wê pêşkêş kirin. Her du alîyan giringîya rola bernameyê (ku ajansa navdewletî ya pêşeng e di warê geşkirina bajarên domdar û penagehan de ji dema damezrandina xwe ve di sala 1978an de li Nairobi) di piştgirîkirina geşepêdanê û lezkirina cîbicîkirinê de tekez kirin.
