Antalya-SANA
Wezîrê Karên Derve yê Urdunê Eymen Sefedî, di dema beşdarîya xwe di Foruma Dîplomatîk a Antalyayê de, tekez kir ku cîhan piştgirîyê dide aramî û serwerîya Sûrîyê. Bal kişand jî ser daxwaza gelê Sûrîyê ya ji bo jinûveavakirina dewleta xwe û dûrketina ji pevçûnan.
El-Sefedî dîyar kir ku hikûmeta nû ya Sûrîyê pêgira Peymana Veqetandina Hêzan a sala 1967an e. Her wiha daxwaza rêgirtina li ber êrîşên berdewam ên Îsraîlê kir, ew êrîşên ku qanûnên navdewletî binpê dikin û bi rêya berfirehkirina dagirkirina xwe ji axê re, ewlehîya herêmê dixin metirsîyê.
El-Sefedî tekez kir ku yekbûna axa Sûrîyê bingeheke sereke ye bo ewlehîya cîranan. Careke din jî helwesta Urdunê ya neguhêr ya redkirina binpêkirinên Îsraîlê û piştgirîya tam ji Şamê re û rawestana ligel wê di xebatên avakirinê û hevkarîya sazîyan de, ji bo pêkanîna aramîya herêmî, nû kir.
