London-SANA
Serdana Serok Ehmed El-Şeri’ û şanda wezîran bo Brîtanyayê veguherîneke berçav di sîyaseta derve ya Sûrîyê de piştî salên îzolebûnê ji ber sîyasetên rejîma berê nîşan da, ku ev serdan bi giranî li ser rewşa aborî ya welat sekinî.
Derbarê vê yekê de, serokê Encumena Kar a Sûrî-Brîtanî Munzir Nezhe di daxuyanîyekê de ji bo SANAyê got: “Cenabê Serok dilnîyayî da veberhêner û karsazên Brîtanî derbarê veguhestina Sûrîyê ji aborîya sosyalîst ber bi aborîya bazarê ve.”
Nezhe bal kişand ser wê yekê ku encamên serdana Serok El-Şeri’ bo Londonê di serdana karsazê Sûrî yê li Brîtanyayê Wefîq Seîd, bo Şamê di roja din de pêk hat, ji bo destpêkirina avakirina hoteleke mezin û cîhanî bi taybetmendîyên nûjen.
Serokê Encumena Kar a Sûrî-Brîtanî hêvîya xwe anî ziman ku di demeke nêz de veberhênan û projeyên mezin bi hevkarîya Encumena Kar a Sûrî-Brîtanî pêk werin, ku ev encumen di hêsankirina rêkarên ji bo veberhênerên Sûrî û Brîtanî de çalak e.
