Waşington-SANA
Serokê Amerîkayê Donald Trump qanûna budceya Wezareta Berevanîyê ya sala 2026an îmze kir, ku tê de xaleke taybet ji bo betalkirina temamî ya Qanûna Qeyserê heye. Ev qanûna ku ji sala 2019an ve li ser Sûrîyê hatibû sepandin, bi vê îmzeyê bi rengekî fermî hat betalkirin û betalkirin ket ware cîbicîkirinê.
Îmzeya Serokê Amerîkayê îro li Koşka Spî pêk hat, piştî ku her du encumenên Sînatoyê û Nûneran di rojên borî de deng li ser yasaya budceya berevanîyê ya Amerîkayê dabûn, ku xala têkildarî betalkirina “Qanûna Qeyser”ê di nav de bû.
Hevpeymanîyê kêfxweşîya xwe li ser vê biryara girîng a Amerîkayê anî ziman û spasîya endamên Kongreyê û Senatoyê (Encumena Pîran) kir ku di pêkanîna vê pêngavê de beşdar bûn, ji bo xizmeta berjewendîyên hevbeş û xurtkirina aramî û geşepêdanê.
Tê çaverêkirin ku betalkirina Qanûna Qeyserê bibe sedema vekirina derîyên veberhênan û alîkarîyên bîyanî ji bo piştgirîya jinûveavakirinê û baştirkirina rewşa aborî li Sûrîyê, piştî ku astenga herî mezin a li pêşîya vê yekê hat hilanîn.
