London-Waşington – SANA
Kompanyên mezin ên wekî “Standard Chartered”, “Meta” û “Intuit” karên mirovan bi zîrekîya destkird diguherînin, ji ber ku “Intuit”ê duh Çarşemê ragihand ku ew ê 17% ji karmendên xwe (3000 karmendan) ji kar derxe da ku karîgerîyê zêde bike û teknolojîyên zîrekîya destkird têxe nav karên xwe.
“Standard Chartered” plan dike ku heta sala 2030î 7800 karî kêm bike, û “Meta”yê 10% ji karmendên xwe ji kar derxistin û 7000 karmend bo projeyên zîrekîya destkird veguhastin, bi armanca ku çavkanîyan li ser sîstemên zîrek kom bike, li gorî gotina serokê cîbicîkar ê “Intuit” Sasan Goodarzi.
Ev tedbîr di çarçoveya pêleke cîhanî de tên; ji sala 2025an ve “Amazon”ê 30 hezar kar, “Nestlé”yê 16 hezar û “UBS”ê 48 hezar kar betal kirine. Her wiha 140 kompanyên teknolojîyê îsal zêdetirî 111 hezar karmend ji kar derxistine, ew jî ji ber metirsîyên bandora zîrekîya destkird.
