London – SANA
Zanîngehên London û Oxfordê yên Brîtanî ragihandin ku dê dest bi yekem ceribandina klînîkî ya cîhanê bikin ji bo nirxandina vaksîneke ceribandinê ku ji bo pêşîlêgirtina penceşêra pişikê hatiye sazkirinn. Tê çaverêkirin ku ceribandin havîna sala 2026an piştî temamkirina rêkarên pêwîst dest pê dikin.
Qonaxa yekem a ceribandinê dê balê bikişîne ser destnîşankirina tibaba herî guncaw û lêkolînkirina bandorên nesereke yên pêkan. Ev ceribandin dê wan kesên ku herî zêde di bin metirsîyê de ne bike armanc, di nav de nexweşên ku di qonaxên destpêkê de tedawîya penceşêra pişikê dîtine.
Lêkolîneran tekez kir ku dibe ev vaksîn bibe amûreke parastinê ya girîng li dijî hin cûreyên penceşêrê berî ku derkevin holê. Tîma zanistî hêvî dike ku ev ceribandin rê li ber berfirehkirina çarçoveya vaksînê di paşerojê de veke, da ku rê bide kesên di bin metirsîya bilind de ne ku ji parastina zû sûdê wergirin.
Hêjayî gotinê ye ku penceşêra pişikê yek ji cûreyên penceşêrê yên herî belavbûyî û kujer e, ku salane bi milyonan tûşbûn li seranserê cîhanê têne tomarkirin.
