Pekîn-SANA
Çînê ragihand ku avakirina yekem navenda daneyan a binavî ku bi enerjîya bayê dixebite li cîhanê qedandiye, ku ev yek modeleke pêşkeftina kesk (jîngehparêzîyê) di binesazîya kompîtasyonê de nîşan dide.
Li gorî ajansa nûçeyan a Çînî “Xinhua”, projeya ku li herêma taybet a Lin Gangê di nav Herêma Bazirganîya Azad a Ceribandinê ya Çînê de, di nav şaredarîya Shanghai li rojhilatê welêt de ye, veberhênanên bi nirxê 1.6 mîlyar yuan (nêzîkî 226 mîlyon dolar) wergirtiye û xwedî şîyana elektrîkê ya giştî ya 24 megawatt e.
Komîteya Rêveberîya Herêma Taybet a Lin Gangê eşkere kir ku li gorî navendên daneyan ên kevneşopî yên li ser erdê, proje ji bo bikaranîna zêdetirî 95 ji sedî ji elektrîka kesk hatiye dîzaynkirin.
Komîteyê destnîşan kir ku qedandina vê projeyê pêşketinekê di werara yekbûyî ya di navbera navenda daneyan a binavî û enerjîya nûbûyî ya deryayî de tomar dike.
