London-SANA
Rojnameya Financial Times a Brîtanî piştrast kir ku kiryarên ku rêxistina HSDê meşandine, serhişkî û redkirina wê ya ji bo peymanên ku hikûmeta Sûrîyê derbarê yekbûna di nav sazîyên dewletê de pêşkêşî wê kiribûn, her wiha tiştê ku di van demên dawî de kir wekî berdana girtîgehan û rêdana reva girtîyên terorîst ên DAIŞê, hêrsa Amerîka û Rojavayê ku di salên borî de piştgirîya wê dikirin, rakir.
Rojnameyê dîyar kir ku tiştê HSDê di nava herêmên ku jê re tê gotin “Rêveberîya Xweser” de kiriye, rastî gelek rexneyên Erebên Sûrîyê yên ku di nava van herêman de bûn, hatiye.
Rojnameyê bal kişand ser wê serhişkîya ku HSDê di nêzîkatîya xwe ya li hember şîretên Amerîkîyan de nîşan daye, ku jê hatibû xwestin yekbûna di nava dewleta Sûrîyê de qebûl bike li gorî tiştê ku di Peymana 10ê Adara 2025an de hatibû destnîşankirin, û heta di peymanên agirbestê yên dawî de jî, û piştre tawanbarkirina rêveberîya Amerîkayê ku dest ji wan berdaye.
Di vê çarçoveyê de, rojnameyê ji zarê jêderên agahdar li ser danûstandinên navbera hikûmeta Sûrîyê û HSDê veguhast ku gotine: “Serhişkîya wan di mijarên hestyar de bû sedem ku di rojên dawî de hevpeymanên girîng ji dest bidin, her wiha biryara wan a berdana xalên ku parastina hin girtîgeh û kampên girtina terorîstên DAIŞê dikirin.”
