Şam-SANA
Serokê Komara Sûrîyê Ehmed El-Şeriʼ, tekez kir ku di çend heyvan de Sûrîyê kariye ku pêvajoyeke hilbijartinan li gorî rewşa ku tê re derbas dibe bi cî bîne.
El-Şeriʼ di dema şopandina rêveçûna pêvajoya hilbijartina endamên Encumena Gelê Sûrîyê ya nû de, li navenda Pirtûkxana Niştimanî ya bazinê Şamê yê hilbijartinan, di gotara xwe de got: “Ev kêlîka dîrokî di nav Sûrîyan de di dema niha de pir giring e û divê tevahîya Sûrîyan welatê xwe ji nû ve ava bikin.”
Serok El-Şeriʼ lê zêde kir û got: “Gelek yasayên sekinandî hene ku hewcedarî dengdanê ne ji bo berdewamkirina pêvajoya avakirin û geşepêdanê.” Her weha bal kişand ser wê yekê ku rêveçûna yasayan dê bi awayekî bilez bimeşe ligel berdewamîya şopandina karê hikûmetê ji bo misogerkirina zelalî û lêpirsînê.
Her weha Serok El-Şeriʼ dîyar kir ku avakirina Sûrîyê erkekî tevahî ye û divê tevayîya Sûrîyan tê de beşdar bin.
