Bexda – SANA
Wezareta Derve ya Iraqê, îro Înê pêşwazî li peymana tevlîbûna “HSD”ê di nav sazîyên dewleta Sûrîyê de kir, û tekez kir ku ev gav geşedaneke girîng e ji bo xurtkirina aramî û serwerîya Sûrîyê.
Wezaretê di daxuyanîyekê de ku li ser malpera xwe ya fermî belav kiriye ragihand: “Ev gav û gavên din ên di vê çarçoveyê de, beşdarîyê di pêkanîna daxwazên gelê Sûrîyê yên ji bo ewlehî, aştî û aramîyê de dikin.” Wezaretê her wiha tekezî li ser piştgirîya Iraqê ji bo hemû hewldanên ku armanca wan xurtkirina yekîtî, serwerî û aramîya Sûrîyê ye kir, bi awayekî ku bihêle sazîyên dewleta Sûrîyê, bibin çarçoveya ku hemû pêkhateyên gelê Sûrîyê li xwe digire.
