Şam-SANA
Balyozê Koreya Başûr li Sûrîyê Joon Gyu-suk tekez kir ku welatê wî di piştgirîkirina Sûrîyê di pêvajoyên geşepêdan û jinûveavakirinê de berdewam e. Wî her wiha bawerîya xwe anî ziman ku dikare peywendîyeke ku dîroka hevbeş nîşan bide were avakirin û di dabînkirina paşerojeke baştir bo gelên her du welatan de bibe alîkar.
Gyu-suk di daxuyanîyekê de ku SANAyê kopîyek jê wergirtiye bi helkefta salvegera yekemîn a damezirandina peywendîyên dîplomatîk di navbera her du welatan de (ku dikeve 10ê Nîsanê), piştrast kir ku ev bîranîn qonaxeke giring û xwedî wateyeke kûr e.
Navborî dîyar kir ku geşepêdana Koreyê ne tenê pêk hat, lê belê berhema hevkarîya navdewletî û piştgirîya dostan bû. Wî destnîşan kir ku welatê wî îro amade ye ku roleke dîyar li hemberî Sûrîyê bilîze, li ser bingeha bawerîya bi şirîkatî, rêzgirtina dualî û hêza pêşkeftina hevbeş.
