New York-SANA
Sekreterê Giştî yê Neteweyên Yekbûyî (NY) Antonio Guterres tekezî li ser pêwîstîya pabendbûna bi agirbestê û cîbicîkirina lihevkirina dawî ya di navbera Dewleta Sûrîyê û HSDê de kir û bal kişand ser girîngîya parastina aramîyê û mîsogerkirina ewlehîya sivîlan.
Malpera nûçeyan a NY ji zarê Cîgirê Berdevkê NY Ferhan Heq, di konfêranseke rojnamevanîyê de îro Çarşemê ragihand ku: “Sekreterê Giştî yê NY bang li hemû alîyan dike ku aramîyê biparêzin, pabendî agirbestê bin û hûrgilîyên lihevkirina dawî bêyî derengketin û bi rihê lihevkirinê pêk bînin.”
Heq amaje bi wê yekê kir ku NY geşedanên meydanî li Sûrîyê ji nêz ve dişopîne û careke din tekez kir ku divê parastina sivîlan wekî pêşengîya herî sereke be, li gorî prensîbên rêzgirtina tam li maf û rûmeta hemû pêkhateyan.
