Enqere-SANA
Wezîrê Karê Derve û Koçberan Es’ed El-Şeybanî, di kongreyeke rojnamevanî de li gel hevkûfê xwe yê Tirkîyê li Enqerê, tekez kir ku Sûrîye yek dewlet e,yek artêş û yek xak e, û careke din anî ziman ku ew hemû rengên perçekirinê red dikin û amaje kir ku serdana wî bo Tirkîyê ji bo bihêzkirina hevbeşîya istratejîk a di nav her du dewletan de ye.
El-Şeybanî dupat kir ku ketina rejîma têkçûyî bû dawîya qonaxeke tarî ji çewisandin û diktatorîyê, û bal kişand ser destkeftên sîyasî ku Hilbijartinên Parlementoyê yek ji wan e, û vegera Sûrîyê bo nav dewletên cîhanê û beşdarîya Sûrîyê li ser asta nêvdewletî tevlî beşdarbûna wê di Komeleya Bilind a Netewên Yekbûyî de.
Her weha dîyar kir ku welatê wî berdewam e di karûbarên tevlêkirina HSDê di nav dezgehên dewletê de li gor Rêkeftina 10 Adarê, û hişyarî da ku bicîneanîna rêkeftinê dibe asteng li pêşîya yekîtîya welat, û dijminkarîyên Îsraîlê yên ku gef in li ser serwerîya niştimanî ya Sûrîyê, şermezar kirin.
Wezêrê Derve yê Tirkîyê, Hakan Fîdan, ji hêla xwe ve got ku hêminî û aramîya Sûrîye û Tirkîyê pev ve girêdayî ne û Tirkîyê dê pişta Sûrîyê di nûavakirinê û têkbirina terorê de bigire, û tekezî li ser giringîya hilanîna sizayan ji ser Sûrîyê kir, û dijminkarîyên Îsraîlê aşermezar kirin û daxwaza sekneke navdewletî ya yekrêz kir û tekez kir ku çareserî li Sûrîyê divê aştyane be û yekbûna xaka wê biparêze.
