Zelandaya Nû-SANA
Lêkolîneran rêbazeke nû ya hînkirinê ceribandiye. Ev rêbaz xwe dispêre vîdyoyên ku xwendekar bi xwe dikişînin; di van vîdyoyan de xwendekar awayê hizirkirina xwe di dema çareserkirina pirsên bîrkarîyê de şîrove dikin, da ku asta têgihîştina wan a rastîn were pîvan.
Çimkî carinan dibe ku xwendekar bigihîje bersiva rast a pirsekê, lê ne her tim dikare rave bike ka çawa gihîştiye wê encamê yan çima rêyeke taybet a çareserîyê hilbijartîye.
Lêkolîna tîmeke zanistî y Zanîngeha Aucklandê ya Zelandaya Nû ku roja Îna borî di kovara “International Journal of Research in Undergraduate Mathematics Education”ê de hat weşandin, derxist holê ku vîdyoyên xwendekaran ên ku tê de pêngavên hizirkirinê û belgeyên bîrkarîyê rave dikin, li şûna ku tenê bi nivîsandina bersiva dawî sînordar bimînin, dibin alîkar ku asta têgihîştina wan ji têgehên bîrkarîyê re û şarezatîya wan a di bikaranîna wan de bi zelalî derkeve holê.
Her wiha li gor encaman, ew xwendekarên ku karîbûn pêngavên îsbatkirinê bi awayekî zelaltir vebêjin, di ezmûnên siberojê de bêhtir xwedî wê şîyanê bûn ku îsbatên nû pêşkêş bikin.
Ji alîyekî din ve, nirxandina xwendekaran li ser şîroveyên hevalên xwe, derfet da lêkolîneran ku zanyarîyên berfirehtir li ser kûrahîya têgihîştina wan bi dest bixin.
