Waşington-SANA
Kompanya “Anthropic”ê ya Amerîkî ya pispora di warê zîrekîya çêkirî de, duh duşemê sê kompanyên Çînî yên hevrik tawanbar kirin ku bernameyên xwe bi rêya bikaranîna şîyanên robota axaftinê “Claude” pêş xistine. Kompanyê ev yek wekî “dizîya milkdarîya rewşenbîrî li ser asteke pîşesazî” bi nav kir.
“Anthropic”ê dîyar kir ku ev kompanî bi rêya nêzîkî 16 mîlyon têkilîyan ligel modela “Claude” û bi bikaranîna 24 hezar hesabên sexte gihîştine armancên xwe. Kompanyê daxuyand ku ev kiryar metirsîyê li ser ewlehîya neteweyî ya Amerîkayê çêdike.
Di destpêka vê mehê de, kompanya “OpenAI” ku hevrika “Anthropic”ê ye û pêşxera “ChatGPT”ê ye, tawanên bi vî rengî kiribûn û bal kişandibû ser wê yekê ku kompanyên Çînî teknîka “parzûnkirinê” bi kar tînin.
