Waşington-SANA
Lêkolînerên li Zanîngeha Kalîfornîyayê li Irvinê teknîkeke derûnî ya nû bi pêş xistin ku armanca wê kêmkirina daxwaza zêde ya çixarê ye di nav kesên dikişînin de, ev yek piştgirîya hewldanên wan ên ji bo devjêberdana çixarê dike.
Li gorî malpera Medical Xpress, ev teknîk pişta xwe bi “navkirina nîşanan” girê dide, bi rêya destnîşankirin û navkirina wan palderên ku daxwaza çixarê hişyar dikin, ev yek çalakîya mêjî ya girêdayî vê hestê kêm dike.
Lêkolîner Gulnaz Tabîbnîya dîyar kir ku ev mekanîzma bersivdayîna mêjî ji herêmên xwebexş ber bi herêmên hişyartir ve diguherîne, ev yek şîyana kontrolkirina daxwazên reftarî dide kesê çixarekêş.
Taqîkirinên li ser 50 çixarekêşan nîşan dan ku paşveçûna çalakîya mêjî daxwaza çixarê û “qerebalixa hişî” kêm kiriye, ku ev bûye sedema xurtkirina kontrolkirina hestan.
Tabîbnîya pêşnîyar kir ku dema palderên çixarê (wek şêwe û bêhnê) werin hîskirin, divê bi devkî werin binavkirin, da ku daxwaza çixarê bi rengekî çalak kêm bibe.
Teknîka “binavkirina nîşanan” wekî rêbazeke hêvîbexş ji bo kêmkirina daxwaza çixarê û xurtkirina kontrola hestyarî tê hesibandin, ku ev yek kalîteya jîyana çixarekêşan bilind dike.
