Amsterdam-SANA
Lekolînerên ji Zanîngeha Twente ya Hollandayê, bi hevkarîya Navenda Bijîşkî ya Radboud re, robotên mîkroskopî pêş xistine ku bi rêya kontrola magnetîkî kar dikin. Ev robot ji bo rakirina meyanên xwînê ji damarên hûr ên ku bi awayên klasîk çareserkirina wan dijwar e, tên bikaranîn.
Li gorî lêkolîna ku di kovara ʺNature Communicationsʺ de hatiye weşandin, mezinahîya van robotan tenê çend mîkron e. Ew di nav rehên xwînê de bi rengekî herikbar tev digerin, ku bi rêya qadeke magnetîkî ya derve ber bi cihê xitimî ve têne arastekirin.
Ezmûnên ku li ser nimûneyin rehên xwînê û rehên mihan hatine pêkanîn, nîşan didin ku ev robot xwedî şîyana perçekirina meyanan û vegerandina herikîna xwînê ya bilez in, bêyî ku zirarê bidin tevna organên derdorê
Lekolîner di wê bawerîyê de ne ku ev teknolojî di çareserkirina meyanên kûr de wekî guherîneke mezin tê dîtin. Di planê de heye ku şîyana livandinê di nav rehên xwînê yên mirovan de bêtir were pêşxistin û ezmûnên klînîkî werin destpêkirin. Her wiha, tê pêşbînîkirin ku ev teknolojî di paşerojê de ji bo gihandina dermanan bo deverên hewcedar û pêkanîna destwerdanên hûr û bêcerahî were bikaranîn.
