Şam – SANA
Di 24 demjimêrên borî de li deverên cuda cuda yên Sûrîyê, di encama çend bûyerên trafîk û şewatê de, ku tîmên Parastina Sivîl yên ser bi Wezareta Rewşên Awarte û Birêvebirina Karesatan ve bersiva wan da, 2 kesan jîyana xwe ji dest da û 28 kesên din birîndar bûn.
Parastina Sivîl, îro Sêşemê, bi rêya kanala xwe ya Telegramê, ragihand ku 17 bûyerên trafîkê çêbûne; di encama wan de 2 kesan jîyana xwe ji dest daye û 27 kesên din birîndar bûne. Tîman çareserîyên seretayî ji birîndaran re pêşkêş kirin, paşê ew ji bo wergirtina dermankirinê veguhastin nexweşxaneyan, her wiha tîmên Parastina Sivîl şûnmayên bûyeran paqij kirin û ewlehî li cihên wan peyda kirin.
Parastina Sivîl banga xwe ji bo ajokaran nû kir ku divê leza xwe kêm bikin, ji rewşa teknîkî ya otomobîlê û karê fren û paqijkerên caman piştrast bibin, û ji reftarên şaş ên ku baldarîya ajokar kêm dikin, mîna bikaranîna telefona destan, dûr bikevin.
Li alîyekî din, tîmên Parastina Sivîl a Sûrîyê, bersiva 33 şewatan li seranserî Sûrîyê da; şewat li nava malan, dikanên bazirganîyê, gîya, dar, sergo û kabloyên elektrîkê derketibûn. Tîmên Parastina Sivîl kar ji bo vemirandina şewatan û sarkirina cihên wan kirin. Di encama wan şewtan de kesek birîndar bû û çareserîyên seretayî ji wî re hatin pêşkêşkirin. Di heman demê de zîyanên din tenê madî bûn.
