Şam-SANA
Îro Duşemê, Hêzên Ewlehîya Hundirîn ragihand ku wan kesê bi navê Munîf Xerse girtiye, ji ber ku xwe wek karmendekî berpirsê daxwaznameyên endamtîyê li Wezareta Navxwe dabû naskirin.
Girtina navborî pêk hat piştî piştrast bû ku wî hejmarek welatî xapandiye; wî bi xapandina wan ku dikare derfetên kar ji bo wan dabîn bike û karûbarên tevlîbûna wan di nav wezaretê de hêsan bike, qaseyek pere wergirtiye û birek berjewendîyên madî yên neyasayî bi dest xistiye.
Hêzên ewlehîyê di daxuyanîyekê de li ser kanala xwe ya Telegramê dîyar kir ku yekîneyên ewlehîyê piranîya wan pereyên ku kesê girtî ji welatîyan standibûn vegerandin, da ku wan radestî xwedîyên wan bikin.
Di heman demê de, alîyên pêwendîdar lêpirsîn û rêkarên xwe yên yasayî derheqê wî de temam dikin, wekî amadekarîyekê ji bo radestkirina wî bo dadgeha pispor da ku cezayê xwe yê adil li gorî yasayê bistîne.
Wezareta Navxwe piştrast dike ku pêşkêşkirina daxwaznameyên endamtîyê bi temamî bêpere ye, û tenê bi rêya wan navendên fermî yên berê hatine ragihandin pêk tê.
Wezaretê her wiha bang li welatîyan kir ku bi tu rengî tu pereyan nedin tu kes an alîyekî, da ku nekevin xefka xapandinê û nebin qurbanîyên sextekarîyê.
