Şam – SANA
Di nav 24 demjimêrên borî de li Sûrîyê ji ber bûyerên trafîkê û şewatên ku tîmên Parastina Sivîl a Sûrîyê ya ser bi Wezareta Rewşên Awarte û Birêvebirina Karesatan bersiva wan daye, 2 kes mirin û 21 kesên din birîndar bûn.
Parastina Sivîl li ser kanala xwe ya Telegramê ragihand ku 19 bûyerên trafîkê rû daye ku di encamê de 2 kes mirin û 20 kes jî birîndar bûne, û dîyar kir ku tîmên wê alîkarîyên seretayî ji birîndaran re pêşkêş kirin, piştre ew rakirin nexweşxaneyan, her wiha şopên bûyeran rakirin û cihên wan ewle kirin.
Di heman demê de, tîmên Parastina Sivîl bersiva 98 şewatan li seranserî Sûrîyê da; șewat li mal, dikan, gîya, dar, çop û têlên elektrîkê derketibûn. Di encamê de kesek birîndar bû, lê zirarên mayî tenê di warê madî de sînordar man.
Parastina Sivîl banga xwe ji bo ajokeran nû kir; divê ajoker leza xwe kêm bikin, ji rewşa erebeyê ya teknîkî piştrast bin, her wiha ji bikaranîna mobaylê di dema ajotinê de dûr bikevin.
Di heman demê de bi bîr xist ku pêwîst e agir di nav daristan û zevîyên çandinîyê de neyê vêxistin, binikên çigareyan an jî şûşeyên camî li nêzîkî berhemên çandinîyê û daristanan neyên avêtin, û ji şewitandina gîyayên hişk ên li dora xanîyan an li kêleka rêyan dûr bikevin.
