Şam-SANA
Wezareta Rewşên Awarte û Birêvebirina Karesatan xelkên li her du parêzgehên Reqa û Dêrezorê, nexasim niştecihên li nêzîkî rûbarên Çemê Firatê, derbarê zêdebûna çaverêkirî ya rêjeya ava ku ji Bendava Kedîranê tê berdan, hişyar kirin.
Ev yek jî ji ber berdewamîya bilindbûna tibaba ava ku di çêm re ji alîyê Tirkîyê ve tê.
Wezaretê di daxuyanîyekê de duh Înê dîyar kir ku divê meriv li nêzîkî rûbar û beravên Çemê Firatê di asta herî bilind ya hişyarî û baldarîyê de be, her wisa ji rûbarên çêm û deverên ku asta ava wan bilind e dûr bikeve. Wekî din jî, di çêm de melevanîyê neke yan nêzîkî avê nebe, û dema ku asta avê û leza herikînê zêde bû, nêzîkî qeraxên çêm nebe.
Li alîyê din jî, wezaretê got ku pêwîst e zarok ji rûbarên çêm û beravên wî bên dûrxistin û bi berdewamî bên çavdêrîkirin. Her wiha alav, makîne û pêdivîyên çandinîyê yên nêzîkî rûbarên çêm bo cihên bilind û ewle bên rakirin û veguhestin, jixwe divê kes çem derbas neke û nêzîkî cihên herikîna bilez a avê nebe. Di heman demê de, bang kir divê pabendî bi rênima û hişyarîyên sazîyên fermî yên pêwendîdar bê kirin, pêşhateyên girêdayî asta çêm û rêjeya ava derbasbûyî bên şopandin.
Ji alîyê xwe ve, Wezareta Çandinîyê bang li cotkarên li her du parêzgehên Reqa û Dêrezorê kir ku hemû tedbîrên xweparastinê yên pêwîst bigirin, alav û makîneyên çandinîyê ji her du qeraxên Çemê Firatê dûr bixin, û çewlikên masîyan û dezgehên çandinîyê yên nêzîkî rûbarên çêm ewle bikin, ji ber egera bilindbûna asta avê.
