Şam-SANA
Wezîrê Navxwe Enes Xetab piştrast kir ku mafê qurbanîyên komkujîya Kîmyewî li Xûteya Şamê di dadwerîyê de hîn jî berdest e. Her wisa şopandina kesên ku destê wan tê de heye hîn berdewam e, ligel tekezkirina li ser wê yekê ku tu sûcdar ji sizayê nafilite.
Wezîr Xetab îro Înê bi boneya salvegera komkujîyê di nivîsekê de li ser platforma “X”ê got: “Sêzdeh sal di ser komkujîya Kîmyewî ya Xûteya Rojhilat re derbas bûn, û hîn jî wêneyên şehîdan û êşên malbatên wan di bîra Sûrîyan de zindî ne û mafê wan di dadwerîyê de berdest e.”
Her wiha got: “Ji bo her kesê ku ezîzekî xwe di wê komkujîyê de ji dest daye, sersaxî û hevxemîya me ya ji dil ji bo we heye, her wisa em ji Xwedê rehmê ji bo şehîdan hêvî dikin.”
Xetab li dawîyê jî got: “Me hejmarek tawankarên ku beşdarî pêkanîna wan komkujîyan bûye girtiye, û em sozê didin we ku şopandina kesên din ên ku destê wan tê de heye berdewam e, û çiqas dem dirêj bibe jî tu sûcdar ji sizayê rizgar nabe.”
